Дарагі сябра,

праз падзеі ў краіне мы былі вымушаныя перанесці валанцёрскі летнік на Ельні па рамонце плацін.

Ён адбудзецца 11-20 верасня. Можна далучацца не на ўсе дні летніка, але перавага тым, хто зможа паехаць на ўсе ці на большую колькасць дзён.

Жыццё будзе ў палатках (бяры дыванок і цёплы спальнік, калі маеш – сваю палатку), харчаваннем забяспечым, даезд самастойны (расходы на грамадскі транспарт можам кампенсаваць).

У верасні на Ельні збіраецца шмат шэрых жураўлёў, якія рыхтуюцца да міграцыі, таму ў цябе будзе магчымасць паназіраць за гэтымі “чырванакніжнікамі”.

На мінулым тыдні на Ельні адбыўся пажар, бо нехта зламаў пабудаваную летась плаціну, у выніку чаго балота падсохла і лёгка загарэлася ад выпадковага акурка. Пажар аператыўна патушылі, а мясцовыя валанцёры тую плаціну ўжо адрамантавалі. Але на гэтым прыкладзе мы бачым, якую важную ролю маюць плаціны. Далучайся да летніка, дапамажы захаваць Ельню ад перасыхання і пажараў!

Больш падрабязная інфармацыя - на сайце АПБ. Калі хочаш удзельнічаць у летніку – запаўняй форму: https://forms.gle/NuVcYJo5TPwRijAs7.

Твая Ахова птушак

   
   
   
   
           

Контактная информация

Адрес: 230012, г.Гродно, пер Доватора, 3/1

Тел: +375 (152) 48 50 64

 

 

                                                                                                                                                                 

 Международная проектная  деятельность

                                                                                                                                                                 

 

© ГрГУ им. Янки Купалы 2016-